NACHEKA KWENYE MISIBA

Wote kwa majina yenu,asanteni kwa kunifikiria,

Mlichoniambia nimekiskia na nitakizingatia.

Mmeniambia.

Nitembelee mtaalamu wa magonjwa ya akili,

Hilo la kwanza halafu na la pili,

Nachokifanya nikikifanya nifanye japo kwa siri,

Unaona unafiki wenu ulivyokithiri?

Samahani nitawavunja moyo kwa kutotembelea mtaalamu,

Na nikimpitia sema ni ile tu kumpa salamu.

Nitawaambia tupo east Africa na sio armsterdam,

Ili kuwathibitishia jinsi gani navyojifahamu,

Yaani, nimekuja na ile akili yangu timamu.

Mida na misiba ya kulia ikitimia nitalia

Ila sio kwenye hii misiba ya kujitakia.

Hamna aliyepoteza msibani zaidi ya marehemu japo ametulia

Na wasioathirika sana wanajilazimisha kulia

Hamjui wapo wanaovunja sheria kwa kuwa

Kitakachofuatia wapo tayari kukigharamia?

Niacheni basi mimi kicheko niangue,

Kutakavyokua na kuwe.

Maana daktari alisema kituflani kuhusu kucheka.

Eti kuwa maisha yangu yataongezeka

Sijali mtanichukia wote mnaoonywa bila kusikia

Na kiburi mnachojitia kwa mafanikio madogo tu mliyoyafikia

Kitakachofuatia,

Ni misiba ya kujitakia.

Nitoeni kwenye orodha ya watu  msibani watakaolia